Sri Lanka shuts sole refinery after pipeline damage

Sri Lanka has shut its sole 50,000 barrels-per-day oil refinery for a few days after damage to a floating pipeline at the Colombo port, an official said on Monday.

The shutdown is unlikely to have a large impact on the Asian diesel market as Sri Lanka's gasoil demand is lower than usual at the moment due to the monsoon season, traders said.

The island nation's petroleum ministry said the Sapugaskanda refinery on the outskirts of the capital was shut on Saturday after the damage on Aug. 31, which compelled a ship carrying 135,000 tonnes of crude oil to wait at the port.

The shutdown has prompted state-run Ceylon Petroleum Corp (Ceypetco) to seek additional oil products to manage the supply shortfall.

Gaza: An Act of Despair

A Palestinian man has died after setting himself on fire, apparently in response to the economic hardships in Gaza, his family and the police said Monday. The man, Ehab Abu Nada, 18, left home on Thursday after an argument with his father, who had urged him to find work to help feed his family. Frustrated in his job hunt, he set himself on fire inside a Gaza hospital. He was pronounced dead on Sunday. A United Nations report published last week put the poverty rate at 40 percent among Gaza’s 1.6 million people and said nearly 30 percent were jobless.

සුජාත දේශයේ අවජාතක "පොලිටික්ස්"

මහාචාර්ය ලක්සිරි ප්‍රනාන්දුගේ කසඩ දේශපාලන චින්තනයට සරල ප්‍රතිචාරයක්

නිලන්ත ඉලංගමුව


ආණ්ඩුවේ හෙවත් රාජපක්ෂගේ කෙරුවාවට ගරුත්වයක් දීම සඳහා ඉන් ආනිසංස ලැබෙන අය කටයුතු කරන ආකාරය කදිමය. ඔවුහු සුදු පාටට කලුපාට කියති. කලු පාටට සුදු කියති. මළගම මගුල් ගෙයක් ලෙස දකින ඔවුහු මගුල් ගෙදරට මළගමක් යැයි කියති. එහෙව් රටේ පවතින මේ චිනතනය එහෙයි කියා පිළිගැනීම හැර වෙනත් විකල්පයක් නොමැත්තේ නීතියට ඉහලින් තම පරම්පරාව මෙන්ම තමන්ගේ බල්ලන්ටද නිදැල්ලේ හැසිරීමට අවශ්‍ය වටපිටාව සකස් කර ඇති හෙයිනි. මොවුන් සපාකන්නේ නිතියෙන්ද හව් හරණක් නැති මෙරටේ බදු ගෙවන අහිංසකයින්ය. ඔවුහු පිඩාවට පත් කිරීම පහසුය. බලයේ සිටින උන් මෙය ශ්‍රේෂ්ඨ ජයග්‍රහණයක ශ්‍රේෂ්ඨ නිරමාණයක් ලෙස උදම් අනති . එහෙව් අයෙක් මහජන මුදල් කාබාසිනියා කොට රටේ අහිංසකයින්ට වැඩ පෙන්නීම සඳහා 130ක් සමඟ නිව් යෝර්ක් ගියේ රුපියල් මිලියන 1000කට වඩා වියදම් කොට යැයි මාධ්‍ය වාර්තා කළේය. මෙය මෙවර එක්සත් ජාතීන්ගේ සම්මේලනය සඳහා තනි රාජ්‍ය නායකයෙකු සමඟ ගිය වැඩිම පිරිස වේ. ඉන් කියවෙන්නේ මේ පෘතුවි තලයේ සිටින උන්මන්තකම නායකයා රාජපක්ෂ බවය. මේවා ලංකාවට අයිති භුමි ප්‍රදේශයෙන් එහා උන්මන්තක විහිලු හෙවත් සුජාත දේශයක අවජාතක "පොලිටික්ස්" මිස ඊට කිසිවෙකුත් වටිනාකම් දෙන්නේ නැත. රටක විනය සහ පිරිහී ඇති ප්‍රමාණය තීරණය වන්නේ මෙවැනි සිදුවීම් වලිනි. රාජපක්ෂගේ විදේශ ප්‍රතිපත්තිය එනම් ජාතිය ගොඩනැගීම උදෙසා වූ ජාත්‍යන්තර ගනු දෙනු සඳහා සිදු කරන ගුවන් සවාරි "හනිමූන් ටුවර් " බවට පත් වී තිබේ. සැබවින්ම රට හදන්න සල්ලි පිටින් ඉල්ලන රාජපක්ෂ සිදුකරන මෙම ඛේදජනක නෙයියාඩකම් දැක සතුරන් පස් වනක් ප්‍රීතියෙන් පිනා යනු ඇත. මිතුරන් ප්‍රතිකාර ලබාදීමට නොහැකි උන්මන්තක මිතුරා දැක ඉන් නික්ම යනු ඇත. කපටින් තමන්ගේ අපේක්ෂා මුදුන් පත් කර ගැනීම සඳහා තව තවත් දුර්වල වීමට ඉඩහැර අනුග්‍රහය දක්වනවා පමණක් නොව කරන දේ හරියයි නිතර නිතර සංදේශ නිර්මාණය කරනු ඇත.


මාගේ මිතුරියක වන එක්සත් ජනපද ජනධිපති බැරක් ඔබාමාගේ දේශපාලන ව්‍යාපාරයේ ප්‍රමුඛ පෙලේ ආධාර කාරියක සේම හාර්වඩ් සරසවියේ නිතිය පිළිබඳව හදාරන්නෙකු පසුගියදා, ලංකාවේ දේශපාලන ප්‍රවණතාවය ගැන අප අතර පැවැති කතා බහේදී , ඔබේ රටේ නායකයින් මේ තරම් උන්මන්ත්කයින් ලෙස හැසිරෙන්නේ සමස්ථ වශයෙන් සමාජයේ ගොඩ නැගී ඇති නිහඩතාවය සහ බලයට එරෙහි වන්නන් පාලනය කිරීමට ආණ්ඩුව ගෙන යන කුඨ උපක්‍රම නිසා යැයි ප්‍රකාශ කළාය. මෙය අපි සමාජීය ප්‍රතික්ෂේපය (සෝෂල් ඩිනායල් ) යැයි කියමු. එවිට මාගේ පිළිතුර වූයේද ඒ හා සමාන එකකි. එනම් ඔබට ඔබේ සමාජය තුළ පොදු හැඟීම (කොමන් සෙන්ස්) ඝාතනය කළ හැකිනම් ඔබේ පාලනයෙන් බැට වින්දද / නොවින්දද සාමාන්‍ය ජනතාව ඊට විරෝධය දැක්වීම ප්‍රතික්ෂේප කරනු ලැබේ. එය යලිත් සාමාන්‍ය තත්වයට පත්වීමටනම් සීමා රහිත බලයේ නියත අවසානය වන ඛේදවාචකයකින් පසු උදාවන පශ්චාත් තත්වය ඒසඳහා වටපිටාව සකස් කරනු ලබයි, යනුවෙනි. එතෙක් ඉන් පීඩා විඳින්නන්ට සිදු වන්නේ ඛේදවාචක වලින් සතුට සොයා ගැනීමටය. ඒ අතර මෙම උන්මන්තක ස්වභාවය හදුනා ගන්නා අය වලුන්ට විරුද්ධව කළ හැකි උපරිමය "බලය" විසින් එහි පැවැත්ම උදෙසා සිදු කරනු ඇත. ලංකාවේ සිදු වන්නේ මෙයයි.


නොපවතින දේශපාලන ශිෂ්ටත්වයක් තියෙනවා යැයි කියමින් ඒ ගැන පට්ට පල් බොරු කියන ඇතැමුන්ගේ විචාර කියවීමේදී සමාජයේ බුද්ධිමය වශයෙන් පවතින බිඳ වැටීම තේරුම් ගැනීම අපහසු නැත. ලංකාවේ "බුධිමතුන්" එනම් මහාචාර්ය හෝ ආචාර්ය පදවියක් නමට ඉහලින් ඇති බොහෝ අය ( විශේෂයෙන් ආචාර්ය මර්වින් සිල්වාද අපේ රටේ බුද්ධිමතුන්ගෙන් කෙනෙකි.) රාජපක්ෂ විසින් පසුගියදා එක්සත් ජාතීන්ගේ සමුළුවේදී කළ කතාව පිළිබඳව විස්තර කිරීමට ගොස් අමුතු ප්‍රමෝදයක් ලබාගෙන ඇති සැටියෙකි. ඉන් මහාචාර්ය ලක්සිරි ප්‍රනාන්දු අද දින ( සැප්තැම්බර් 26) ආණ්ඩුවේ සිළුමිණ පුවත්පතට ලබා දී ඇති සම්මුඛ සාකච්චාවේදී ඉදිරිපත් කොට ඇති අදහස් කියවීමේදී ඉහත සඳහන් වටපිටාව ඉතා පැහදිලිව නියැදි සමඟ හදුනා ගත හැකිය. මහාචාර්ය ජි. එල් පිරිස් ඇමති දුරයක් ලබාගෙන තමාගෙන් නීතිය ඉගෙන ගත් සිසුන්ට මෙන්ම ඔහු ගැන කිසිවක් නොදන්නා පිරිස් හමුවේ විහුලුවට ලක් වී සිටිනවා සේම තම හර්ද ශාක්ෂිය අබිමුකවද විත්තිකරුවෙකු වී සිටිනු පෙනේ. එය 18වන ව්‍යවස්ථා සංශෝධනය පාර්ලිමේන්තුවේදී "හදිසි" පනතක් ලෙස විවාදයට ගන්නා විට ද්‍රවිඩ ජාතික සන්ධානයේ මන්ත්‍රී එම්. සුමන්තිරම් ඉදිරි පත් කළ ඉතා ප්‍රසංසනීය කතාවෙන් විස්තර කළේය.


මෙවර මහාචාර්ය ලක්සිරි ප්‍රනාන්දු කියන්නේ ජනාධිපති රාජපක්ෂ කළ කතාව එක්සත් ජාතීන්ගේ සමුළුවකදී අපේ නායකයෙක් කළ විශිෂ්ටතම කතාව ලෙසයි. ඊට හේතුව ලෙස කාරණා කිහිපයක් ගෙන හැර දක්වන හෙතම, එය රටේ අනාගතය දෙස බලා කළ කතාවක් ලෙසත් ඉන් ඉදිරියේදී මහත් පල මහානිසංස ලැබෙන බවත් ගෞරව පුර්වකව පැහැදිලි කරනු ලබයි. ජනාධිපතිවරයාගේ කතාවට ඉතා හොඳින් ඇහුන් කන් දුන්නේනම් එහිදී ඉතා පැහැදිලි වන කාරණයක් වන්නේ සාමුහිකව කළ කටයුත්ත එනම් කොටි සංවිධානයට එරෙහිව කළ යුද්ධය, හෙතම වර්තමානයේදී කරණ සියලුම කාරණා වසා ගැනීමට සහ සාදාරනීකරණය කිරීමට ඉතා ශුක්ෂම වූ බලවත් උත්සහයක් ගත් ආකාරයයි. වාසනාවට හෙතම සමීපයේ ටෙලිප්රෝම්පරය සැමදා මෙන් තනි රැක්කේය. නමුත් ඔහු තම කතාව පුරා අමතක කොට ඇත්තේ තමාගේ අවශ්‍යතා ඉටු කර ගැනීම සඳහා හදුන්වා දුන් 18 වන ව්‍යවස්ථා සංශෝධනය ගැන එකසත් ජනපදයේ රජය දෙපාර්තමේන්තුව මීට සතියකට පෙර නිකුත් කරනු ලැබූ විවේචනාත්මක නිවේදනයයි. ආණ්ඩුව ඊට ප්‍රතිචාර දැක්වුවද එහි කිසිඳු ආකාරයක පිළිගත හැකි තර්කයක් නොතිබුණා සේම එය නිකුත් කරනු ලැබුවේ මහාචාර්ය පීරිස්ය. නමුත් ජනාධිපතිවරයාගේ කතාවේදී එය එක්සත් ජාතීන්ගේ සංවිධානය නඩත්තු කිරීම සඳහා වැඩිම මුදලක් වැය කරණ එක්සත් ජනපදය වඩාත් සවිස්තරාත්මකව බලාපොරොත්තු වූවා විය හැකිය. ඒ මන්ද කොටි සංවිදානයට විරුද්ධව කළ යුද්ධයෙන් ඇති කළ තත්වයට වඩා හාත්පසින්ම වෙනස් ස්වභාවයක් රට තුළ ඇති වී තිබේ. ඒ නිසා කොටි සමග කළ යුද්ධය රාජපක්ෂගේ කුණු වසා ගැනීම සඳහා පාවිච්චි කරණ පිළිණු වී ගිය සංසිද්ධියක් පමණක් වී තිබේ. සැබවින්ම යුධ ජයග්‍රහණය වඩාත් වටිනා ලෙස විකිණිය හැකි වටපිටාවක් තිබුණි. නමුත් රාජපක්ෂ විසින්ම එයට සහ ඊට දායක වූවන්ට ලබා දිය යුතුව තිබු ගරුත්වය නොදීමෙන් අහිමි කර ගත්තේය.


සුභ සිහින දැකීම හොඳය නමුත් ගැටලුව වන්නේ අගුණ දැක දැකත් එය ගුණ යැයි කීමය. එය මහාචාර්ය ප්‍රනාන්දු සැමදාම දකින්න පුරුදු වී සිටි ආකාරය හෙවත් වැල යන අතට මැස්ස ගසන්නාගේ ක්‍රමෝපාය මිස තමන්ගේ ආත්ම ගරුත්වය ගැන සිත සිතා කටයුතු කරන්නාගේ සත්පුරුෂ ලක්ෂණය නොවේ. මේ හා සමානව ආණ්ඩුව විසින් නඩත්තු කරණ ඒෂියන් ට්‍රිබුන් වෙබ් අඩවියේ ලේඛකයෙකු ඉදිපත් කළ අදහසකින් කියවුනේ, ජනාධිපතිවරයාගේ කතාවට නියමිත ගරුත්වය දීමට ලෝක ප්‍රජාව අපොහොසත් වී ඇති බවයි. වෙනස මහාචාර්ය ප්‍රනාන්දු සිංහලෙන් ලිවීමත්, අදාල ලේඛකයා ඉංග්‍රීසියෙන් ලිවීමත්ය. ඔහුට අනුව ජනාධිපති බැරක් ඔබාමා තම කතාවේදී ලෝකයේ ත්‍රස්තවාදය සහමුලින්ම මුලිනුපුටා දැමු ඒ ශ්‍රේෂ්ට නායකයා කළ වීර වික්‍රමය ගැන වචනයකින්දු මතක් නොකර සිටි බවයි. ඒ වෙනුවට සීමා රහිත බලයේ ඇති අනතුරු දායක ස්වභාවය සහ ඉන් මානව නිදහස උල්ලංඝනය වීම ගැන ක්‍රමෝපයිකව විස්තර කළේය. තමා ජනධිපතිධුරයට පත් වී මාස නවයක පමණ කෙටි කාලයක් පසු කොට ඇති ජනාධිපති ඔබාමා එහිදී ඉදිරිපත් කළ කතාව දැකුම් කලු වන්නා සේම ඉන් ඔහු ඉදිරි කාලය සඳහා අනුගමනය කිරීමට බලාපොරොත්තු වන විදෙස් ප්‍රතිපත්තියද සාරාංශ ගත කළේය. එයට අනුව ලංකාව ස්ථාන ගත වී සිටින්නේ ඔබාමා විරෝධී ප්‍රතිපත්තියකය. රාජපක්ෂ ගෝලීය මුලිකාංග තම රටට ගැලෙපෙන ලෙස සකස් කර ගත යුතු යැයි කියන්නේ තමාගේ ආණ්ඩුකරණය ගෝලීය මට්ටමෙන් සදරනිකරණය කිරීම සඳහාය. මහාචාර්ය ප්‍රනාන්දු විශිෂ්ට යැයි කියන්නේ එයයි.


අද වන විට තමාට ලැබෙන සිමා රහිත ආර්ථික ප්‍රතිලාබ හැර වෙනත් පරාර්ථකාමී වුවමනාවෙන් සිටින කල්‍යාණ මිත්‍රයකු ලංකාවට නොමැත. එසේම ලංකාව ආර්ථික වශයෙන් ණය බරින් නිදහස් කළ හැකි මිතුරන් සමග ක්‍රමෝපයිකව ගනුදෙනු කිරීමේ අවස්ථාවද නැති කොට තිබේ. ඒ වෙනුවට ඉදිරියේදී ලංකාවට අධික පොලියට ණය ලබා දීමට සුදානම් බටහිර මෙන්ම පෙරදිග සගයින් බිහි වනු ඇත. නමුත් උගුල් වලින් ගැලවීම සඳහා ආධාර ලබා දෙන මිතුරන් තව තවත් අහිමි කර ගනු ඇත. තමන්ගේ ස්වයිරීත්වය පාවාදීමට නොහැකි නිසා යුරෝපා සංගමයේ ජි.එස්. පි. ප්ලස් සහනය තුට්ටුවකට මායිම් නොකළ ආණ්ඩුව, ලංකාවේ ලක්ෂ සංඛ්‍යාවක් රැකියා වියුක්තිකයින්ගේ ගොඩට එකතු වන විට වැඩකට නැති හිස් රංගනයක නිරත වී සිටියි. සැබවින්ම යුරෝපා සංගමය ලංකාවේ යහ පාලනය ඇති කිරීම සඳහා ඉදිරිපත් කළ කොන්දේසි පහළොවෙන් කිසිවකින් රටේ ස්වෛරීත්වය කෙලසෙන්නේ නැත. ඉන් රාජපක්ෂට තුන්වැනි වරටත් ජනාධිපති වීමට බාධා එල්ල විය හැකි නමුත් ප්‍රජාතත්‍රවාදය හෝ රටේ බෞමික අඛණ්ඩතාවය සඳහා එකී කොන්දේසි කිසිම බලපෑමක් කරන්නේ නැත. මහාචාර්ය ලක්සිරි ප්‍රනාන්දු මෙකි වටපිටාව ගිලදමා වෙනත් මායාවක පැටලී ජනාධිපතිගේ කතාවෙන් ලැබෙන්න යන්න නිධානයක් ගැන සිහින දැකීමට අනෙකා හුරු කිරීමට යන්ත දරන්නේය.


ඔහුට නොතේරෙන කමට හෝ හිතාමතා සගවා ගත්තාට, දේශපාලනය ගැන "අ' දන්නා කෙනෙකුට තේරෙන සරල දෙයක් වන්නේ රටක පැවතිය යුතු මුලිකාංග වලින් ඒ රට ගලවා තමන්ගේ අල්ලට ගෙන නැටවීමට හැකි වට පිටාවක් සකස් කරගත් විට ඇතිවෙන්නේ පෘතුල කැමැත්තක් ඇතිවීමට වඩා කැමැත්තක් ඇති බවට කරණ නිර්මාණයකි. තීන්දුව අබිබවා නිර්මාණය මතුපිටට පැමිණේ . එය සැබැව යටපත් කරණ අතර එහි ආනිසංස ලැබීම සඳහා දීර්ඝ කාලයක් ගත වේ. 2005 දී මිලියන 137 ක් ඉපැයූ රුපවාහිනිය 2009 වසරේදී එය මිලියන 4.7 ක් පමණක් දක්වා අඩුකර ගත්තේ මෙකි නිර්මාණකරණයේ ඛේදජනක අස්වැන්නේ ඉතාම ප්‍රථමික ප්‍රතිපලයක් ලෙසය. ජනතාව කැමතිනම් මේ උත්තමයා කොච්චර කාලයක් හිටියම කුමක්දැයි අසන අයවලුන් තම තමාගෙන් අසා ගත් යුත්තේ එයයි. මහාචාර්ය ලක්සිරි ප්‍රනාන්දුගේ පොලිටික්ස් වලින් සඟවා තබන්නේද මෙකි යථාර්තයයි. ජනාධිපති ඔබාමාගේ කතාව රාජපක්ෂගේ පාලනයට රතු එළියක් වන්නේ මේ නිසාය.

පෙනුම හා ඇතුළාන්තය

Note from the Beyond Frame

ඇතුළාන්තය කුමක් දැයි පිටින් බැලුවහම පෙනෙන අවස්ථාවන් මෙන්ම නොපෙනෙන අවස්ථාවන් ද තිබේ. බොහෝ දෙනෙක් ලිහා බලන්නේ නැතිව පිටින් පෙනෙන දේම ඇතුළේ ද ඇතැයි විශ්වාස කරති.


පෙනුම ගාම්භීර බොහෝ දෙනෙකුගේ වැඩ පලේ පල් ය.


ඒ වුනාට මිනිසුන් සරණ යන්නේ පිටට පෙනෙන ඒ පෙනුම ය. ඇතුළත හගිස්සවා දැන ගැනීමට මේ බොහෝ අයට හැකියාවක් නැත. සමහරුන්ට ඊට ඕනෑ කමක් නැත. සමහරු ඊට බියය. බොහෝ දෙනෙකු තමන් මෙතෙක් විශ්වාස කරගෙන සිටි දෑ අර්බුදයකට යනවාට කැමති නැත. එය තමන් ගත කරන මේ ස්ථාවර ජීවිතයට ප්‍රශ්න එකතු කරන නිසා ය. ඒ නිසාම විශ්වාසය ප්‍රශ්න නොනගාම විශ්වාස කරගෙන උන් ජීවත් වෙති.


මතුපිටින් බැලුවහම දේශප්‍රේමය හොද ය. එහෙත් ඇතුළතට රිංගා බැලුවහම පෙනෙන්නේ එය යොදා ගෙන ඇත්තේ තමන්ගේත් තම පරපුරේත් යහපත සදහා බව ය. දෙවැන්නේ අභිවෘද්ධිය සදහා රට විකුණන්නට වුවමනා වුවහොත් දේශප්‍රේමීහු එය ද කැත නැතිවම විකුණති.


(මහින්ද රජතුමා කියන්නේ සරත් ෆොන්සේකා එවැනි දේශප්‍රේමීයෙකු බව ය. සරත් ෆොන්සේකා කියන්නේ මහින්ද එවැනි දේශප්‍රේමීයෙකු බව ය. එවැනි තක්ක‍ඩියෙකු හිරේ දමා මදි බවත් එල්ලා දැමිය යුතු බව එක්කෙනෙක් කියනවිට අනෙකා සමහර විට සිතෙන් පතනු ඇත්තේ මුන් සම්බන්ධයෙන් මට බලයක් ආවොත් ඒ දේම මුන්ට කරමි යැයි කියා ය.)


දේශප්‍රේමය තක්කඩියෙකුගේ අවසන් රැකවරණය යන කියමන රාහුල හිමියන්ට (අප මේ මෑතකදී උපුටා දැක්වු පරිදි) මතක්වන්නට ඇත්තේ මේ නිසා විය යුතු ය.


සිල් ගන්නා හා දන්‍ දෙන්නා වූ සමහරුන්ගේ ඇතුළාන්තයට එබුනහම තියෙන්නේ කුහකත්වය හා වංචනිකත්වය යි. දානය හා සීලය අර සියලු ගන්ධස්කාර කටයුතු වසනා සේලයයි. ඒ වුනාට එවැනි සිල් ගන්නා කෙනෙක් දෙස දන් දෙන කෙනෙක් දෙස මතුපිටින් බලා මහා පින් ඇත්තෙක් යැයි කියා අපව රවටා ගන්නට අප කැමති ය.


(කොළඹ අසපුවල වසනා භික්ෂූන් වහන්සේලා මීට දිය හැකි හොදම උදාහරණය.)


උපාසක බක බක- අල්ලන්නේ මීයන් දෙක දෙක කියා පැරණි උපහැරණයක් ඇත්තේ මේ නිසා විය හැකි ය.


දේශය හා ආගම තරම් වංචනිකයින් හා කුහකයින් විසින් තමන්ගේ සියලු දුගද වහගන්නට භාවිතා කළ වෙනත් දේ ලෝකයේ නැති තරම් ය.


පිට පෙනුමට රැවටෙන අන්ධ අනුගාමිකයින් ලවා තමන්ගේ පෞද්ගලික අභිවෘද්ධිය මුන් විසින් ලගා කරගනු බලා සිටීම අපට උරුමව ඇති කරුමයයි.


උන් දේශප්‍රේමී වන තරමට අප දේශද්‍රෝහීන් වන අතර උන් ආගම් අතර වෛරය පතුරවන තරමට අප ආගම නොඅදුනන නරුමයන් බවට පත් වෙයි.


ඒ ද අපේ උරුමයයි. අනෙත් අතට කරුමයයි.


පිට පෙනුමට නොරැවටී දවටනය ලිහා ඇතුළ බලන්නට ජනතාව උගත් දාක මේ සියල්ල වෙනස් වනු ඇත්තේ ය. ඒ කලු කපුටා ඒ වනවිට සුදු නොවී තිබුනොත් ය.

ත්‍රස්තවාදියා එන්නේ කොහෙන්ද?

දරුණු වධ හිංසාවන්ට ලක් වූ දෙසොයුරන් වාසනාවකට මෙන් නිදහස් වන්නේ එම අවස්ථාවෙහි කොළොම්බියාවෙහි නිරීක්ෂන වාරිකාව නිරත වෙමින් සිටි අන්තර් ජාතික මානව හිමිකම් දූත මණ්ඩලයක් නිසා ය. වාමාංශික ගරිල්ලන්ට හිතවත්කම් දැක් වූ ඒ බාල සහෝදරයා වසර ගණනාවට පසු ආණ්ඩුවේ මිනීමරු ඝාතන කල්ලි විසින් අත්‍යන්තයෙන් ම බියකරු වූ වධ හිංසාවන්ට ලක් කර මරා දමන ලදී.

හෙක්ටර් අර්ස්ටිස්බාල් සමඟ සැන්දෑවක්

සුනන්ද දේශප්‍රිය

අන්ධකාර ශාලාව නිහ~ය. සියයක් අසුන් ගත හැකි වියනාහි කුඩා තියාටාප්‍රැර්ට් රඟහල පිරී ගොසිනි. වේදිකාව විසල්ය. හීනියට හ~ක් නැගේ. රූර්ර්, ශීර්ර්, ඌම්ම් .... ආලෝක ධාරාව කලූ රෙද්දකින් හිස සිට වසා සිටින හෙක්ටර් මත පතිත වෙයි. සතිය පුරා පැවැති වැඩමුළුවට එක්වූ සගයින් දෙදෙනෙකු ඒ හ~ දෝංකාර නංවයි.


—රාත්‍රී සුළඟ˜ ඇරඹෙයි. හ~ උච්ච වෙයි. ක්ෂණික නිහඩතාවය. —ත්‍රස්තවාදියා එන්නේ කොතැනින්ද?˜ ලොමු දැහැගැන්වෙන හඩින් අසන හෙක්ටර් සිය බඩ තුර පහලින් ගර්භනීබවක් නිරූපනය වූ බැලූම එළියට ගෙන පා කර හරියි. කලූ රෙද්ද ඔහු නැගී සිටි බංකුව මත අතුරමින් ඒ මත දිගාවෙයි.


හෙක්ටර් අර්ටිස්බාල් වියනාහි දින පහක් පුරා පීඩිතයාගේ රංගකලාව පිළිබඳ වැඩමුලූවක් පැවැත් වූයේ විකල්ප කණ්ඩායම් දෙකක ආරාධනයෙනි. එහි අවසන් දවස වූ පසුගිය 10වන සිකුරාදා ඔහු සිය ජීවිතයේ පැතිකඩක් වූ —රාත්‍රී සුළඟ˜ රඟ දැක්වීය. එම සැන්දෑව හදුන්වා දුන්නේ වැඩ මුළුවේ වඩාම වර්ණවත් සහභාගිකාවක වූ රෝදපුටුවක ගමන් කරන වේරා ය. අගේ රෝද පුටුවේ රෝදවසා රතු අකුරින් මෙසේ ලියා තිබුණි. —ා්බජැ ්ඉසකසඑහ˜ නැටුමට හපන්. ඒ ාසි්ඉසකසඑහ නොහොත් අංග විකල යන අදහසට අභියෝගයක් පරිද්දෙනි. හෙක්ටර් රංගනය සඳහා ඇද සිටියේ එදා දවස පුරා වැඩ මුළුවට හැද සිටි දුඹුරු පැහැ ටී ෂර්ට් එක සහ ඩෙනිම් කලිසම ය. ඒකාංග රංගනය වැඩ මුළුවේ එක් පුහුණුවක් වූ —කතා කීමේ කලාව˜ සමඟ එකට වෙලී තිබුණි.


—අව්රුදු 14දි මං හවානා රේඩියෝවට ලියුමක් යැවුවා, වේ ගුවේරාගේ ඔක්කොම ලිපි මට එවන්නැයි කියා˜ රතුපාට කඩදාසි රූනෙක් මගින් අභිනයෙන් ලියුමක් ලියූ හෙක්ටර් ප්‍රෙක්ශකාගාරයට රූනා පියඹා එවූයේ ය. —මාත් ඒ ලියුමේ කොපියක් ලඟ තියා ගත්තා˜


—චේ ෟ චේ ෟෟ චේ ෟෟෟ, අප හැමෝම කතා කළේ ඒ ගැන˜ අපේක්ෂා සහගත සිනහමුසු මුහුණ. දුරින් අඩි තබා කැරෙන රංග නිරූපනය.


—1982 කොළෙම්බියාවේ ජනාධිපති දරුණු පාලනයක් ඇති කරා. සෑම කෙනෙක්ම සැක කරන මර්දනකාරී නීති පැනෙව්වා˜ හෙක්ටර් බඳවටා එතී තිබූ කලූ රෙදිපටිය ගෙන එය කමීසයේ බෝ එකක් ලෙස සකස් කලේ නිමේෂයෙන්. දැන ඔහු ජනාධිපති. —කොම්යුනිස්ට්වාදී ත්‍රස්තවාදය පරාජය කිරිමට මට සහය වෙන්න. දෙවියන්ගේ බැල්ම ඇති අපේ දේශය රැක ගමු. සැක සහිත කෙනෙක් දුටුවොත් හ~ක් ඇහුනොත් වහාම ආරක්ෂ අංශ වෙත වාර්තා කරන්න. මං හදිසි නීතිය පනවනවා ද්‍රෝහීන්ගෙන් රට රැක ගන්න.˜ ඒ ජනාධිපති හ~.


හෙක්ටර් යළි හෙක්ටර්ගේ භූමිකාවට. —ඒ කාලේ මගේ බාල සහෝදරයා තවත් යාළුවො කට්ටියක් එක්ක විනෝද සංචාරයක ගියා. දුර ගමක ඔවුන් නවාතැන් ගත්ත දේවස්ථානයක. ඔව්න් දේශපාලනය කතා කරනව දේවගැතිවරයාට ඇහුණ. ඔහු සිකුරිටියට කිව්ව. සිකුරිටිය පොලීසියට කිව්ව. පොලීසිය හමුදාවට කිව්ව. ත්‍රස්තවාදීන් අත් අඩංගූවට ගන්න හමුදා ට්‍රක්රථ ගම වට කරා. කොල්ලො ටික කුදලාගෙන අරන් ගියා˜ බියෙන් වෙව්ලන හඩින් හෙක්ටර් අපට පිටුපෑව. ඔහුගේ සගයින් දෙදෙනා පරණ ඛෙලෙක් ඉනිමඟක් බිත්තියට හේත්තු කරගෙන බියමුසු හ~ක් නිකුත්වන සේ ඊට තට්ටු කරමින් සිටියා.


හෙක්ටර්ාගේ බඳ වටා එතී තිබූ කලූ පටිය තුවක්කුවක් ලෙස දෑතින් ඇද ගැනුනි. —එළිවෙන ජාමේ අපේ ගෙදරත් වට කරා. වාඩිවෙයන්, අම්මා පැත්තකට තල්ලූ කරා. සොල්දාදුවො අපේ කාමරේ සුද්දකරන්න ගත්ත. මේ මොකක්ද? ගරිල්ලන්ට සහාය දෙන පක්ෂයක ප්‍රතිපත්ති ප්‍රකාශණය. මේ මොකක්ද? හිර ගෙදරක ඉන්න ගැහුණු ජායාරූපයක්. අන්තිමේ දි මං වයස 14දි හවානාවට ලියපු ලිපිය. උඹේ මල්ලි උඹ ගැන ඔක්කොම කිව්ව. කියපන් ඇත්ත.˜ කලූ රෙදි කඩින් දැන් හෙක්ටර්ගේ දෑස් බැද හමාරය.


සිය සහෝදරයා විප්ලවීය පොතපත කියවන බව හෙක්ටර් දැන සිටියේ නැත. ඔහු සිය කාමරයේ සැකයට බදුන් විය හැකි ලියවිලි කිසිවක් තබා ගත්තේ නැත. නමුත් ඔහුගේ බාල සොයුරා එම පොත කාමරයේ සඟවා තිබුණි. හෙක්ටර් ද ඒ රාත්‍රියේ ම හමුදා වධ කඳවුරකට ගෙන යන ලදී. —ලෝකයේ පැරණිම ත්‍රස්තවාදී පුහුණු කඳවුරේ ඒ කියන්නේ ඇමරිකාවේ පිහිටි ලතින් ඇමෙරිකානු හමුදා පුහුණු කඳවුරේ පුහුණු වී සිටි වධ කදවුරේ හමුදා ලොක්කා පිස්තොලය කණට තිබබා, ඩෝං˜ පේලියට තබා තිබූ බැල්මක් හෙක්ටර් පයින් පාගා පොඩි කරයි. ස්වේචජා සගයකු වටාස් හඩින් අත්පුඩියක් තලයි. —තවත් සොල්දාදුවෙක්,˜ කලූ රෙදි පටිය යළි තුවක්කුවකි. තවත් බැලූමක් පිපිරේ. චටාස් අත්පුඩි තැලීමකි. බිත්තියේ ඇඳපු රූපවලට දිගටම වෙඩි. —චට පටාස්, චට පටාස්, චට පටාස්.....˜ ඒ හ~ සමඟ ඛෙලෙක් ඉණිමඟ සෙළවීමෙන් නැගෙන බොල් බියකරු හ~ එක්වෙයි.


හෙක්ටර්ට සිය මලයා දකින්නට ලැබුණේ නැත. වතුර බිඳක් හෝ නින්දක් හෝ නොමැතිව දවස් තුනක්ම සිටගෙන සිටීමට හෙක්ටර් බල කෙරුණි. අවසානයේ දී වතුර වතුර යැයි ඉල්ලූ කළ තම හිස වතුර බාල්දියක ඔබා තැබු සැටි හෙක්ටර් නිරූපනය කරන්නේ කතාව ද කියන අතරම ය. වතුර ලැබුනේ නැත.


දරුණු වධ හිංසාවන්ට ලක් වූ දෙසොයුරන් වාසනාවකට මෙන් නිදහස් වන්නේ එම අවස්ථාවෙහි කොළොම්බියාවෙහි නිරීක්ෂන වාරිකාව නිරත වෙමින් සිටි අන්තර් ජාතික මානව හිමිකම් දූත මණ්ඩලයක් නිසා ය. වාමාංශික ගරිල්ලන්ට හිතවත්කම් දැක් වූ ඒ බාල සහෝදරයා වසර ගණනාවට පසු ආණ්ඩුවේ මිනීමරු ඝාතන කල්ලි විසින් අත්‍යන්තයෙන් ම බියකරු වූ වධ හිංසාවන්ට ලක් කර මරා දමන ලදී. වධ හිංසාවන්ට ලක් වූ ඔහුගේ සිරුර මිහිදන් කර සිය ජීවිතය බේරා ගැනීමට පලා ගිය ඇමෙරිකාවට ආපසු එන අතර තුර පළි ගැනීමේ මාවත ගනිම්දෝ නොගනිම්දෝ යැයි ඔහුගේ සිත පෙළෙන අවිනිශ්චිත මෙහොතෙහි සිය දරුවන් මෙනෙහි විමෙන් හෙක්ටර් වනගතවීම වෙනුවට රංගගත වීම තෝරා ගනී. සිය සහොදරයාගේ මරණය නිරූපනය කරමින් සිය රංගනය අවසන් කරන හෙක්ටර් යළි අසන්නේ මුලින් අපට ඇසුනු පැනය ම ය. —ත්‍රස්තවාදියා බිහිවන්නේ කෙහෙන්ද?˜ මව්කුසයෙන් බිහිවන දරුවා ත්‍රස්තවාදියකු වන්නේ උපතින්ද? නැතනම් වධ හිංසා පැමිණ වීම නම් රාජ්‍ය ත්‍රස්තවාදයෙන් ද? ඔහු අපගෙන් නොඅසා අසන ප්‍රශ්ණය එය යි.


නාට්‍යය පුරා ඇමෙරිකානු අධිරාජ්‍යවාදය මෙන්ම ලොව පුරා පවතින වර්ගවාදී සහ ඒකාධිපති පාලනයන් උග්‍ර විවේචනයට හසු කරන "රාත්‍රි සුලඟ" අත් අඩංඟ=වෙහි දී වධ හිංසා පැමිණ වීම තේමා කරගත් පැය බාගයකට නොවැඩි ඒකාංග රංගනයකි. එහි වැදගත්ම පියවර එළඹුනේ රංගනය අවසානයේ දී ය.


—හැමෝම වේදිකාවට එන්න˜ යැයි කැඳවූ හෙක්ටර් ගතික භාවනා අභ්‍යාසයකට අප හැම යොමු කළේ ඇඟමැලි කඩා හිිරි යැවීමට මෙන්ය. අනතුරුව ඔහු හැමට සිය රංගනයේ දුටු පණිවිඩයට ප්‍රතිචාරයක් අභිනයෙන් දක්වන සේ ඉල්ලා සිටියේ ය. විවිධ ප්‍රතිචාර මතුවිය. කේන්තිය, කණගාටුව, පළිගැනීම, නැගී සිටීම, සාමුහිකත්වය, අයාචනය, මරණය, සටන්කාමිත්වය යනාදී ලෙසිනි. ඊළගට එම ප්‍රතිචාරයට මහ හ~ක් එක් කරන ලෙස ඉල්ලීමකි. වැඩිම නැගී ආ හ~ වූයේ —කවදාවත් එපා— භැඩැර ්ට්සබ හ~ ය. මම ඈත බලාගත් අපේක්ෂා සහගත අභිනයකින් යුතුව කෑ ගැසුවෙමි: —කවදා හරි දවසක˜ දෙවනුව හෙක්ටර් අප සියයක් දෙනා දෙකොටසකට ඛෙදා සාමූහික ඉරියව්වන්ට යොමු කර අනෙක් පාර්ශවයේ වධහිංසා විරෝධී අභිනයන් අර්ථ නිරූපනයකට ලක් කරන සේ කියා සිටියේ ය. ප්‍රේක්ශාගාරය මනුෂ්‍යත්වය උදෙසා වූ දේශපාලන වේදිකාවක් බවට පත් විය. අප හැම එකම අරමුණකට නොදැනීම බැදුණි.


හෙක්ටර් සිය අප්‍රිකානු ඛෙරය වයමින් සිය රංගනයේ උපත සිදුවූයේ ඉරාකයේ අබු ගිරාබ් සිරකඳවුරේ වදහිංසා විරෝධී හැගීමෙන් බවත් තමා සිය ගමන් මල්ල පමණක් රුගෙන ගොස් මෙම ඒකාංග රංගනය පවත්වන සැටිත් ගායනයක් වැනි කතාවක් රාත්‍රී සුළඟට මුසු කළේ ය. "අපට අවශ්‍ය නිර්මාණශීලී සිතීමක් පැන්ටසි නොවෙයි" කියූ ඔහු කලාව මගින් යුක්තියේ පණිවිඩය ගෙන යන්නේ කෙසේද යන සාකච්ජාව ගොඩ නැගුවේ තව තවත් ක්‍රියාකාරකම් තුලිනි.


ඉන් එක් ක්‍රියාකාරකමක් ලෙස අප කණඩායමකට මැෂිමක් සේ අතපය හැසිරවීමට කියූ හෙක්ටර් මැෂිමට අණ දුන්නේ —මැෂිම වේගයෙන්, මැෂිම අඩනවා, මැෂිම සතුටෙන් ලෙසිනි. එකවරම මැෂීම ඉරාකයට යනවා දැන් ඉරාකයෙන් එනවා යැයි ලද නියෝගය අප කන්ඩායමට අභියෝගයක් ගෙන ආවේ ය. ඉරාකයට යන් මැෂිම බෝමබ හෙළමින් වෙඩි තබමින් ගිය අතර ආපසු එන අතර මිය ගිය සොල්දුවන් ගෙන එනු නිමේෂයකින් නිර්මානය විය. මට ඒ නියෝගය ඇසුණේ වන්නියට යනවා වන්නියෙන් එනවා ලෙස ය.


අප්‍රිකානු ඛෙරවාදනයට පා තැබූ කෙටි නමුත් විමුක්තිදායක නැටුමකින් සිත් සැහැල්ලූ කරගත් අප විසිර යන අතර හෙක්ටර් ගේ දෑත ගෙන — ඔබේ අත් දැකීම මගේ අත් දැකීම යි, වධහිංසා වින්ද, මරණ අත් දැක්ක, හිරේ ගියා, මරණයෙන් බේරෙන්න පිටුවහල් වුනා...˜ යැයි කියත්ම හැගුම්බරව තිබූ අපේ සිත් විසින් දෑස් තෙත් කරනු දුටු අපි දුරස් වූයෙමු. සීතල වෙමින් තිබූ වියනා හී රාත්‍රී සුළඟ වෙත පා නගන මගේ දෙසවන්හි හෙක්ටර්ගේ උණසුම් වචන දොංකාර දුන්නේ ය. ඉරදඑයැරි ්රු එදටැඑයැරල අයැරු ැඩැර ඇ ්රු ජ් —කොහේ හිටියත් අපි සහෝදරයින් එකට.

රනිල්ගේ සමාව

 

පුද්ගලයෙකු පළමුව සමාව ගත යුත්තේ තමන්ගෙන් අනුන්ට  වුණ වැරදි වලට මිස පිටත අය නිසා ඇති වූ දෑට නොවේ. තමන්ගේ වැරදි වසා ගැනීම සඳහා අනෙක් අයගේ වැරදි වලට සමාව ගන්නේ නම් එතන ඇත්තේ කූට උපායකි. සැබවින්ම රනිල් සමාව ගත යුතු කාරණා ගැන දීර්ඝ ලැයිස්තු තිබේ.

නිලන්ත ඉලංගමුව

තමන්ගේ පැවැත්ම උදෙසා කුමන හෝ බලවේගයක් විසින් එල්ලවන බලපෑම් ක්‍රමානුකුලව වෙනතකට යොමු කිරීමට විපක්ෂ නායක සහ එදා මෙදා එක්සත් ජාතික පක්ෂයේ ඉතිහාසය තුළ බිහි වූ නිවට සහ කට්ට කයිරාටක නායකයා වන රනිල් වික්‍රමසිංහ සමත්ය. මේ තරම් තමන්ගේ පුටුව රැක ගැනීම සඳහා එකම තැන කුණු වේවි සිටින නායකයෙක් මේ ලෝක ඉතිහාසයේවත් සිටීද යන්න ගැටලුවකි. රනිල් මේ ආකාරයෙන් හැසිරෙන්නේ මන්ද? සැබවින්ම ඇතැමුන් කියන ආකාරයෙන් රනිල්ට පරාජය අමතක වීමේ රෝගයක් හෝ ලජ්ජා නැති කමක් තිබේද? එසේත් නොවේ නම් අද දින ( සැප්තැම්බර් 24) දිනමිණ හෙවත් ආණ්ඩුවේ පුවත් පතේ කතුවරයාගේ අදහසට අනුව රනිල් වූ කලි මහජන විඥානයෙන් වියුක්ත වුවෙක්ද? මෙය රනිල්ගේ දේශපාලනයට අදාල දැයි සිතම අසීරුය.


පළමුව රනිල් විසින් 18 වන ව්‍යවස්ථා සංශෝදනයට තම පක්ෂයේ පිරිසක් සහය දැක්වීම ගැන සමාව ඉල්ලීම ගැන කල්පනා කිරීම වටී. ඔහු සමාව ඉල්ලනු ලැබුවේ පක්ෂයා තුළ මෙන්ම ඉන් පිටතද තමාට විරුද්ධව දැඩි විවේචන එල්ල වෙමින් තිබෙන අවස්ථාවකදීය. පුදුමයට මෙන් ආණ්ඩුවට හිතවාදී පිරිස් විසින්ද රනිල්ව විවේචනය කිරීම තමාට තිබු අවසන් බලාපොරොත්තුවත් සුන්වීමකි. මෙනිසා පවතින තත්වය වෙනතකට යොමු කිරීම තම සම්ප්‍රදායික පුරුද්ද කරගත් රනිල් මෙවර එජාපයේ තරුණයින් රැස් කොට සමාව ගත්තේය. සැබවින්ම මෙය ඔහුට විරුද්ධව පවතින විවේචනය මග හැරවීම සඳහා කළ උප්පරවැට්ටියක් මිස ඊට එහා ගිය සුජාත බවක් එහි නොමැත. අද රනිල් ජනාධිපති වුයේ නම් ඔහු සිදු කරන්නේද මහින්ද කළාට වඩා වැඩි දෙයක් මිස යහ පාලනයකට රට හැරවීමට යන්ත දැරීම නොවේ. රනිල් සමාව ගත යුත්තේ 18 වන සංශෝධනයට තම පක්ෂයෙන්, ආණ්ඩු පිලට පැන්න පින් පොන් දේශපාලකයින් ගැන නොවේ. එනම් තමා විසින් කළ හාස්‍ය මෙන්ම දුෂ්ට අත්වැරැද්ද ගැනය. දකුණේ තරුණ තරුණයින් 60,000 ක් ටයර් දමා පුළුස්සන විට රනිල් හිටියේ මේ ලංකාවේ, මේ රටේ මිනිසුන්ගෙන් ලැබූ චන්ද වල අනුහස බුක්ති විඳිමිනි. ඒ කිසිවකට හෙතම වැඩිම කාලයක් පක්ෂයේ සිටි නායකයින්ගෙන් අයෙක් ලෙසවත්, මනුෂයෙක් ලෙසවත් කතා කළේ නැත.


පුද්ගලයෙකු පළමුව සමාව ගත යුත්තේ තමන්ගෙන් අනුන්ට වුණ වැරදි වලට මිස පිටත අය නිසා ඇති වූ දෑට නොවේ. තමන්ගේ වැරදි වසා ගැනීම සඳහා අනෙක් අයගේ වැරදි වලට සමාව ගන්නේ නම් එතන ඇත්තේ කූට උපායකි. සැබවින්ම රනිල් සමාව ගත යුතු කාරණා ගැන දීර්ඝ ලැයිස්තු තිබේ. මේ ආකාරයෙන් එළඹෙන දෙසැම්බර් දක්වා තමන්ගේ පැවැත්මට ඇති බාධා ඉවත් කර ගැනීමට සමාව ගැනීම් තුළ ඇත්තේ කපටිකම මිස වෙන කිසිවක් නොවේ.


එසේම ඔහු ඉතා වැදගත් කතාවක් ඉදිරිපත් කොට තිබේ. එනම් තම පක්ෂයේ නියෝජිතයින් ලෙස කටයුතු කරමින් සිටින අය ස්වාධීනව කටයුතු කිරීමට අර අදින්නේනම් පක්ෂයෙන් ඉල්ලා අස් වන එක හොඳ බවය. අනෙක් අදහස ආණ්ඩු පක්ෂය සමග එඅකතු වීමට ඔවුන් පෙලඹවීමය. රනිල්ගෙන් මේ ආකාරයෙන් නිරුපණය වන පරාජයේදී ආරක්ෂාව පතා කට්ට ඇතුලට රිංගන ගොළුබෙල්ලකු මෙන් හැසිරීම සහ තමාට එරෙහි කුණාටු වලදී අනෙක් අය බිල්ලට දී තම ආසනය රැක ගැනීමේ පුරුද්ද පිටු පස ඇති සබැ උවමනාව මින් එලියට පැන ඇත. එබැවින් මෙය තරමක් දුරට හෝ අවබෝධ කර ගැනීමට යන්ත දැරීම වැදගත් වේ.


රනිල්ට සහ මහින්දට; දේශපාලනික මිත්‍රත්වයට වඩා එහා ගිය පුද්ගලික මිතුරු කමක් තිබේ. එසේම මේ දෙදෙනා සතුව තිබෙන පොදු ගුණ තිබේ. ඒ අතර මහින්ද තම දේශපාලනික විඥානය තුළ කුලවාදය සහ පවුල් වාදය ප්‍රමුක කොට කටයුතු කරනවා සේම රනිල්, තමාගේ පරම්පරාව ඉදිරියට ගෙන යා හැකි අයෙකි ජාතක කිරීමට හැකියාවක් නොමත්තෙක් වුවද ඔහුගේ විඥානය තුළද මහින්දගේ මෙන්ම ඉතා ශුක්ෂම වුවමනා එපාකම් තිබේ. මතක තබා ගත යුත්තේ බොහෝ පාවාදීම් වලින් ලබා ගන්නා තනතුරු රැක ගැනීම සඳහා ඊටත් වඩා පාවාදීම් සිදු කිරීමට සිදු වීම මුලික කාරණයක් බවයි. මම ජාතියේ බාරකරුවා මිස අයිති කරු නොවෙමි; යැයි අඬ බෙර ගසමින් 2005 දී බලයට පැමිණි රාජපක්ෂ අද රටේ අයිති කරු ලෙසත් "සියල්ල මට සහ මගෙන් පසු මගේ අයට ඉන් ඉතුරු වෙන ශේෂය තමන්ගේ වහලුන් හටය," යන රාජපක්ෂ චින්තනයට සමස්ත රට තල්ලු කිරීමත්, තමාගේ පන්තියට ගැලපෙන අයෙක් එනතුරු කෙසේ හෝ මෙය රැක ගත යුතුය; යන අදහසේ පිහිටා කටයුතු කරණ රනිලුත් අතර ප්‍රතිපත්තිමය වශයෙන් ( පක්ෂ අභ්‍යන්තර ප්‍රතිපත්ති ) කිසිඳු වෙනසක් නොමැත.


රනිල්, ස්වාධීනව සිටින්නේනම් පක්ෂයෙන් ඉවත් වන්න යැයි අදාල කැරලිකාර මන්ත්‍රී කණ්ඩායමට සඳහන් කරන්නේ මේ නිසාය. එමගින් ඔහුගේ යටි අරමුණු ඉටු කර ගත හැකිය. සැබවින්ම ලංකාවේ දේශපාලනය තුළ ඉදිරියට යාමටනම් අනුගමනය කළ යුත්තේ මහින්දගේ උපක්‍රමය මිස, ගෙම්බන් මෙන් පැත්ත මාරු කිරීම නොවේ. එජාපයෙන් ආණ්ඩුවට පැන්න අයවලුන් නිසා මහින්ද අරමුණු දෙකක් ඉටු කර ගත්තේය. පළමුවැන්න අපි සියලු දෙනාම දන්නා ආකාරයෙන් තමාට රිසි සේ පිස්සු කෙලිම සඳහා පාර්ලිමේන්තුවේ බලය වැඩි කර ගැනීමය. දෙවැන්න එනම් අනුවේදනීය කරණය වන්නේ, එමගින් ශ්‍රී ලංකා නිදහස් පක්ෂයේ දෙවන පෙළ නායකත්වය එනම් ජෙෂ්ටත්වය මත මීළඟට නායකත්වයට පත්වීම සඳහා නියමිතව සිටි පිරිස් ක්‍රමෝපයිකව පාලනය කළ හැකි වීමය. ඔවුන්ට එජාපය සමග එකතු විය නොහැකිය, එසේම පක්ෂයේ නායකත්වය මොන තීරණ ගත්තත් එය හොඳ හෝ නරක වුවද "එහෙයි" කිව යුතුව තිබේ. පක්ෂය මාරු කළහොත් තම දේශපාලන බලය ඉවරය. පක්ෂයේ සිටින්නේනම්, එජාපයේ පතාක යෝධයින්ද ජනාධිපතිවරයා සමග හෙයින් කට පියාගෙන සිටිය යුතුය. මේ නිසා රාජපක්ෂගේ අදහස් පැහැදිලිය, පක්ෂයේ දෙවන පෙළ "එහෙයි" පිරිසක් බවට පත් කිරීමෙන් තමන්ගේ අනාගත අපේක්ෂා ඉටු කර ගත හැකි බව හෙතම දන්නේය. නාමල් රාජපක්ෂ නිව් යෝර්ක් යනවිට තමන්ට ඩෙංගු මදුරුවා පිටිපස්සේ යෑමට මෛත්‍රිපාලට සිදු වී තිබෙන්නේ මේ නිසාය.


එසේම එජාපය පැත්තෙන්ද කතාව සරලය. එනම් පක්ෂයේ සිටින අයවලුන් ආණ්ඩුවට එකතු වීමෙන් තමන්ට විරුද්ධව නැගෙන බලවේගය පමණක් නොවේ සුදුසු කම් මත මීළඟ නායකත්වයට පත් වන පිරිස එලවා දැමිය හැකිය. එමගින් තමාට රිසි පිරිස් ඉදිරියට ගෙනවිත් තමන්ගේ පුද්ගලික වුවමනා එපාකම් විෂයෙහිලා කටයුතු කළ හැකිය. පක්ෂය තුළ කුණු වේවි සිටින රනිල්ගේ, දුර්ගන්දය ඉවසීමට නොහැකි පිරිස් ඔහුට විරුද්ධව කැරලි ගැසීමට හෝ පක්ෂය මාරු කරණ විට, රුවන් විජේවර්ධන වැනි අය රනිල් සමග එකත් පසෙක සිටින්නේ මේ නිසාය. අපි සියල්ලම දන්නා පරිදි ලාංකීය දේශපාලනය, ජනතාව ඉලක්ක කරගත් හෝ සබැ ගැටලු විසඳීම ඉලක්ක කරගත් එකක් නොවේ. එය ඉලක්ක කරගෙන ඇත්තේ මෙවැනි මනෝ මුලික ක්‍රමෝපායන් ඉටු කර ගැනීම සඳහාය. එලෙබෙන දෙසැම්බර් වන විට, සජිත් ප්‍රේමදාස එහි නායකයා වන්නේද යන්න රනිල් සහ මහින්ද මේ වනවිටත් තීරණය කර නොමත්තේනම්, අය-වැයට පෙර තවත් වතාවක් රනිල්, සිනි නැති කලු කොපි බිමට රජගෙදරට රිංගුවහොත් එය පුදුමයක් නොවේ.

විලිලැජ්ජාව වෙනුවට

නිලන්ත ඉලංගමුව

බෞද්ධ හාමුදුරු නමකට පිළිතුරු ලිවීමට මම කිසිම දිනෙක අපේක්ෂා නොකළ කටයුත්තක් වුණත් ගංගාරාමේ පොඩි හාමුදුරුවෝ අද දින ලංකාදීපයට ලියු ලිපිය කියවීමේදී ඇති වූ පිළිකුල සේම අනුකම්පාව නිසා ඊට පිළිතුරක් නොදී සිටීමට නොහැකිය. මුලික වශයෙන් බෞද්ධයෙක් ලෙස ඉපදී පසු බෞද්ධ නාමයෙන් ඇති පට්ටපල් බොරුව තේරුම් ගැනීමට තිබු අවශ්‍යතාවය තුළින් ලැබුණු අවස්ථාව නිසා ආගම නමැති උන්මන්තක ව්‍යාජය අත්හැර, සිද්ධාර්ථ ගෞතම වැනි ශ්‍රේෂ්ට දාර්ශනිකයින් පැවැති අඳුර දුරලීමට ගත් වෙහෙස සහ එය නෂ්ට කිරීමට හින්දු බමුණන් කළ උපක්‍රම ගැන සෙවීම ලංකාවේ හාමුදුරු වේසයෙන් සිටින දුෂ්ට බමුණන්ගේ උපදෙස් පිළිගැනීමට වඩා වටිනා බව අවබෝධ වූ සරල සත්‍යකි. එබැවින් ලංකාව විෂයෙහිලා මා විසින් අදහන සම්ප්‍රදායක් ( එය රාජපක්ෂ ඇතුළු බලය තහවුරු කිරීමට කළ හැකි සියලු දේ කරන අය සිංහල- බෞද්ධ ලෙස කියති. ) නොමැති අතර ඒ තුළ එකී සම්ප්‍රදායේ මුර දේවතාවුන් වන හාමුදුරුවරුන්ට පිළිතුරු සැපයීම කිසි ලෙසක වටිනා කමක් නොමැති බව පැවැති අදහස විය. අදාල ලිපිය ලියු ගල්බොඩ හාමුදුරුවෝ, හින්දි බමුණු මතය පැලපදියම් කොට බෞද්ධ දර්ශනය තුළටද හින්දු මතවාදය එනනත් කොට බෞද්ධ දර්ශනය විනාශ කළ අධිසංකාර වැනි අය ගැන දන්නේදැයි මම නොදනිමි. පෙනෙන හැටියට උන් වහන්සේ ඒවා ගැන හැබයින් තබා සිහිනයකින්දු අසා නැතුවා විය හැකිය. නොඑසේනම් තම පැවැත්ම උදෙසා සියල්ල සඟවා සිටිනවා විය හැකිය.


මෙහිදී අදාල විෂයට පිවිසීමට පෙර, මා මුලදී ඉදිරි පත් කළ අදහස එනම් බෞද්ධ හාමුදුරු නමකට පිළිතුරු ලිවීමට කිසි දිනක මා සිතු කරුණක් නොවූයේ මන්ද යන්න ඉතා කෙටියෙන් පැහැදිලි කිරීම වටී. මන්ද එවැන්නක් ලිවිම බිරී අලින්ට වීණා වැයිමක් වැනි යැයි මා තුළ මුල සිටම තිබු විශ්වාශය විය. සැබවින්ම එය එසේය. සැබෑ බෞද්ධ දර්ශනය ගැන සෙවීමට හෝ එය ඉන්දියාවෙන් තුරන් කිරීමෙන් පසු බෞද්ධ යැයි නිෂ්පාදනය කළ හින්දු ප්‍රචාරණ ක්‍රමවේදය බදා ගන්නවා වෙනුවට එය අහිමි වීමට හේතුව සෙවීමට මෙරට බික්ෂු සාසනය කාලය කැප කළේනම් පවතින සමාජ වට පිටාව වෙනුවට අපි අබිමුකව මීට වඩා ගැඹුරු හරයාත්මක පදනමින් යුත් සමාජ වියුහයක් අපට උරුම විය හැකිව තිබුණි. නමුත් මෙරට බික්ෂු සාසනය නිවට, දියාරු සහ උදච්ච ප්‍රජාවක් බවට පත්වූවා පමණක් නොව එය බලය දෙසට අවනත වූ රූකඩයක් බවට පත් විය. වර්තමානයේදී එය රජජපක්ෂ විසින් රටේ සියලුම මුලිකාංගයන් විනාශ කොට එය තමන්ගේ බුදලයක් ලෙස සලකා කෙලසමින් සිටන අවස්ථාවක, එය එහෙයි යැයි පිළිගත්තා සේම අතීතයේදීද මෙකි භික්ෂු පරපුර මේ ආකාරයෙන්ම හැසුරිනි. එනම් මෙරට අසරණයින්ගේ බදු මුදල් සුරාගෙන එය තමන්ගේ මුදල් යැයි පෙන්වා බලය වැඩි කරගත් ඕනෑම රැවටිලිකාර සල්ලාලයකුට මෙරට ජනතාවගේ මාතෘභුමිය කෙළසීම සඳහා සිරි යහන් සකස් කර දුන්නා සේම වර්තමානයේදීද ඔවුන් කරමින් සිටින්නේ එයයි. මෙවැනි අයවලුන්ට ලිවිම වැදගැම්මකට නැති දෙයක් ලෙස මුලදී පෙනුනත් අඩු තරමින් ඒ ගැන සටහන් හෝ කිරීම වටින්නේ යැයි සිතෙන්නේ පැවැති තත්වයට වඩා වර්තමානයේදී සිදුවන ශෝචනීය නාඩගම් දෙස බැලීමේදීය.


මොළේ කඳුලක් හෝ ඇති මෙලොව මී හරකෙකුටවත් පිළිගත නොහැකි වටපිටාවක තමන්ගේ මාතෘභුමිය කෙලසන සල්ලාලයකුට සොඳුරු අග්ඥාදයකයෙකු වීමට යැයි ප්‍රකාශ කිරීමට තරම් මෙරට හමුරුදුරුවරුන් නිවට වූහ. වර්තමානයේදී මුන් වහන්සේලාට ඇති ගැටලුව වන්නේ තමන් කෙතරම් දුරට ඒ " මහා රජාගේ " සිත සැනසුවද යන්න මිස රටේ පවතින සැබෑ ගැටලු ගැන සැලකීම නොවේ. එක්‌ අයෙක් රටේ නායකයාට " සොඳුරු" ආඥ්ඥාදායකයකු වෙන්න යැයි කියන විට, තව පිරිසක් ලංකාව ලෝකය හමුවේ විහිලුවට ලක් කළ මර්වින් සිල්වා වැනි අයවලුන් යලි ඇමති ධුරයේ පිහිටුවන්නැයි යැදීම් කළේ මේ නිසාය. ඒ ඔක්කොටම වඩා තමන් " දීමේ" ප්‍රමුකයා යැයි සිතන ගංගාරාමයේ පොඩි හමුරුදුවෝ අදාල ලිපියෙන් කියන්නේ, " .... දියුණු රටවලට පවා නැති කිරීමට නොහැකි වූ ත්‍රස්තවාදය සමුල ඝාතනය කළ වත්මන් ජනාධිපති තුමාට ඒ කළ සත් කාරයට පමණක් මල් පුදා උපහාර දැකිවිය යුතුය." දඹුල්ලේ හමුදුවන් විසින් රටට කියූ සොඳුරු ආඥ්ඥාදයකයා ගංගාරාමයේදී දෙවියෙකු කොට ඇත. එසේම හෙතම තව දුරටත් කියන්නේ, ... " අපේ පරණ කියමන වූ ' අල්ලේ නැටවීම ' ජනාධිපතිතුමා විසින් අනුගමනය කළ යුතුමය, යන්නය. ඊට හේතුව ලෙස අදාල හිමිනම සඳහන් කරන්නේ කෘතගුණ සැලකීමක් ලෙසය.


සැබවින්ම ඔවුන්ට බෞද්ධ දර්ශනය ගැන අබ මල් රේණුවක හෝ ගෞරවයක් තිබේ නම් මෙවැනි ඔලමොට්ටල කතා රචනා කරන්නේ යැයි සිතීම උගහටය. ස්ත්‍රී දුෂකයින් සහ ඝාතකයින් ජනධිපති සමාව යටතේ නිදහස් වන වටපිටාවක, පළිගැනීමේ චේතනාවෙන් පිහිටුවා ගත් රාජපක්ෂගේ යුධ අධිකරණය ලෝකයේ හොඳම හමුදා පතිවරයා ලෙස රාජපක්ෂ විසින්ම නම් කළ ජනරාල් ෆොන්සේකාට කරන හිරිහැර දැක දැකත් මෙකි බික්ෂු පරපුර රජුට මල් පුදා උපහාර කළ යුතු යැයි කියති. එසේම එකතරා කාන්තාවක් ඔහුට අනුව "රත්නයක්" යැයි කියති. එලෙබෙන සතියේදී ජනාධිපති රාජපක්ෂගේ බිරිඳට හෝ මෑතකදී රාජපක්ෂගේ 18වන ව්‍යවස්ථා සංශෝදනයට කැමැත්ත දීමට ආණ්ඩු පිලට පනිනු ලැබූ කාන්තාවට හෙතම එසේ නොකිව්වොත් පුදුම විය යුතු නැත. එය ඔහුගේ වුමනාව මත තීරණය වන දෙයක් පමණි. මෙම හිමිනම කෙනෙකුගේ වටිනාකම තීරණය කිරීම සඳහා ගන්නා මිනුම් දණ්ඩ කුමක්දැයි සිතාගැනීම එතරම් අපහසු නැත. එය පිරිමි පාර්ශවයක් කෙරෙහි නම් බලය හෝ මුදල් මතද ස්ත්‍රී පර්ශවක් කෙරෙහි නම් ඇතැම් පිරිස් කරන්නා සේ රාත්‍රියේදී කරන තක්සේරු කිරීමද පෙනෙන හැටියට ඔහුගේ මිනුම් දඬු වේ. ලිපිය පුරා ඇති අදෝනාව සහ ශුක්ෂමව සිදු කරන ඇතැම් පිරිස් ගැන විශේෂයෙන් ස්ත්‍රී වර්ණනාවද අනුවේදනීය වන්නා සේම, ලංකාව රාජපක්ෂ යටතේ යුටෝපියාවක් යැයි සිතාගෙන ආණ්ඩු කරණය සඳහා ලබා දෙන නල්ල මලේ උපදෙස්ද කදිමය.


මානව ශිෂ්ටාචාරය දියුණුවෙත්ම ඊට මුලික නීතයක් අවශ්‍ය වූයේ, පාලකයා සර්ව බලධාරී දේවත්වයෙන් කඩා මහජනතාවගේ කැමැත්ත පරිදි තෝරා ගැනීමට තීරණය කිරීමෙනි. එසේම පාලකයා ගැන ඕනෑම අවස්ථාවක ප්‍රශ්න කිරීමට හැකි වූයේ ඔහු හෝ ඇය පාලිතයින්ගේ බදු මුදල් වලින් ජීවත් වන හෙයිනි. ගංගාරාමේ පොඩි නමට අනුව රාජපක්ෂ කොටි සමුල ඝාතනය කළ නිසා ජනතාව ඔහුට මල් පිදිය යුතුය. නමුත් අමතක කොට ඇත්තේ ජනතාව ඔහුට චන්දය දුන්නේ එය අහවර කිරීමට මිස වෙන බේබදු සිහින දැකීමට නොවන බවයි. එය ජනතාව විසින් පාලනයට පත් වන්නන් මත පැට වූ වගකීමක් මිස ඔහුන්ගේ තනි පුගල පෙළහර පෑමක් නොවේ. රටක ආගමක් සහ අහි උන්නතිය සඳහා කටයුතු කළ යුතු අයෙක් මේ මට්ටමට තල්ලු වීම සහ පාලකයෙකුට රිසි සේ රට අල්ලේ නැටවිය යුතු යැයි කියා සිටීම පවතින මර්දිත වැඩපිළිවලේ ප්‍රතිපලයක් මිස වෙන කිසිවක් නොවේ. නිතිය, ශිෂ්ටත්වය මරා දමා ඇති රටක එහි විත්ති පාර්ශවයක් වන බික්ෂු පරපුර පවතින මායාව තුළ සුන්දර සිහින දැකීමට සාමාන්‍ය ජනතව තල්ලු කොට තම සුළු අපේක්ෂා ඉටු කර ගැනීමට දරණ අයුරු මෙයින් පැහැදිලි වේ.


ගංගාරාමේ පොඩි නම කියන පරිදි ජනාධිපති අල්ලේ නැටවීම කළ යුතුමය. කිව්වත් නැතත් සිදුවන්නේ එයයි, එය තුළ පොඩි නම කියනවාට වඩා සිදුවන්නේ ලෝකය සහ රට හමුවේ උන්මන්තකයෙන් බිහි වීම හැර හෙතම සිහින දකින පරිදි පරමාදර්ශ හෝ ඔහු කියන පරිදි මල් පිදිය යුතු චරිත බිහිවම නොවේ . මෙහිදී උන් වහන්සේ මතක තබා ගත යුතු මුලික කරණය වන්නේ, රටක් අල්ලේ නැටවූ එකම නායකයා මහින්ද නොවේ යන්නය. එසේ දාරක ප්‍රේමයෙන් හෝ උතුරා ගිය මාතෘ (තම මව් බිබ කෙරෙහි වූ) සෙනෙහසින් රටවල් අල්ලේ නැට වූ නායකයින් ලෝකයේ බොහෝය. ඒ ගැන කිසිවක් නොදන්නේ නම් ලංකාවේ බික්ෂු පරපුරට කොසේ වෙතත් ගංගාරාමේ පොඩි නමට ලෝක ඉතිහාසය ගැන ලියු පාසල් පෙළ පොත් ලබා දිය යුතුව ඇත. සැබවින්ම ලාංකීය බික්ෂු සමාජය, සමාජ උන්නතියේ නොව සමාජ විනාශයේ මුලික විෂයක් වූ ආකාරය තේරුම් ගැනීම මෙවැනි ශෝචනීය අදහස් කියවීමේදී ඉතා පහසුය. මෙය ගංගාරාමයෙන් ඇසෙන හඬ නොවේ, සමස්ත භික්ෂු සාශනයේ නිවට බව පෙන්වන මුලික උදාහරණයක් පමණි. එනම් ලාංකීය බික්ෂුව ලෙස රටට පෙන්වන සංකේතය රැවටිලි කාරයෙකුගේ අනුරූපයක් මිස එහි ඇති වෙනත් ගත යුත්තක් නොමැත. එය බිම් මට්ටමේ සිට මහනායක මට්ටම දක්වා සිදු කරණ පුර්ණ ශෝදනයකින් හැර විසඳිය හැකියි සිතීම කිසිම දිනෙක හැබෑ නොවන සිහිනයකි. මොවුන් අනුගමනය කරන්නේ බෞද්ධ දර්ශනය නොවේ. නමුත් හින්දු බමුණන් සමාජය ගොනාට අන්දවමින් තම පැවැත්ම තහවුරු කර ගත්තේ මෙලෙසය. ගංගාරාමේ පොඩි නම තුළින් එවැනි අනෙකා මුලාවට පත් කරණ හින්දු බමුණන්ගේ ප්‍රතිබිම්බය මිස වෙනත් කිසිඳු සත්බාවයක් නොපෙනේ. කාලය එළබ තිබෙන්නේ තම චීවරය ගැන අමතක කොට දමා " මහරජාණෝ" අබිමුකව දන නමස්කාර කොට මල් තබා පුද පුජා පැවැත්වීමටය.

මම වෙන කවුරු ළගට යන්න ද දෙවියනේ?

Beyond Frame කතන්දරයක්

දේව ප්‍රතිමාව ඉදිරියේ දණින් වැටුනු මිනිසාගේ මුවින් පිටවූයේ බලවත් අදෝනාවකි. පුද්ගලයා අදුනාගත නොහැකි තරම් ඈත සිටින කෙනෙකුට වුව ඔහුගේ හැසිරීමෙන් හා නැගෙන අදෝනාවේ ස්ව‍රයෙන් එහි ඇති බරපතල කම හදුනා ගත හැකි වනවා නොඅනුමාන ය. හිස කෙස් කඩා දමමින් ද පපුවට ගසාගනිමින් ද ඔහු සිය කථාව වරෙක වේගවත්ව ද වරෙක නෑසෙන සිහින් ස්වරයකින් ද කියවා ගෙන ගියේ ය.


ඇයි දෙයියනේ මාව මේ ලෝකෙට බිහිකළේ? යැයි දැඩි ස්වරයෙන් නැගුණු අභියෝගාත්මක ප්‍රශ්නයෙන් මම මදක් පසුපසට විසිව ගියෙමි. දෙවියන් පවා ඉන් ගව්වක් දෙකක් ආ පස්සට විසිව ගියේ නැත්නම් ඒ පුදුමයෙකි. මද නැවතීමකින් පසු ඔහු නැවතත් යාදින්න පටන් ගත්තේ ය.


මං පුංචි සන්දියෙ ඉදන්ම දෙමාපියන්ට කීකරු වෙලා හිටිය. තාත්තා කසිප්පු ගොන්නක් බීලා ගෙදර ඇවිත් රණ්ඩු කරද්දිත් ගුටිබැට දෙද්දිත් මම තාත්තට වැන්ද. උන්දෑ කියන දේකට පිටින් ගියේ නෑ දෙයි හාමුදුරුවනේ.


ස්කොලෙදි වෙන එකෙකුගේ වැරැද්දකට කිසිම හෙවිල්ලක් බැලිල්ලක් නැතිව උද්ධච්ඡ ගුරුවරයෙක් මට දවසක් නොසෑහෙන්න තැලුව. ඒත් මම කරබාගෙන ඉවසුව හාමුදුරුවනේ. අපට බොරුකරපු අපට තළලා සන්තෝස වුනු ගුරුකමට නිගා දුන්නු ගුරුවරුන්ටත් මම නමස්කාර කළා හාමුදුරුවනේ.


ගුරු‍න්ගෙන්වත් දෙගුරුන්ගෙන් වත් හරිහැටි මග පෙන්වීමක් ලැබුනෙ නැති නිසා ද එහෙම නැත්නම් මගේම කාළකන්නි කමට ද මන් දන්නෙ නැහැ මට ඉහළට ඉගෙන ගන්න ලැබුනේ නැහැ.


රස්සාවක් නැතිව ළතවෙද්දි රස්සාවක් දෙනවැයි කිව්ව දේශපාලන ලොක්කො පස්සෙ මාත් ගියා හාමුදුරුවනේ. උන්දැලගේ ඔක්කොම කිළුටු මං ‍හේදුවා. උන්ට ප්‍රශස්ති කිව්වා. උන්ව කරපිටේ තියාගෙන ගියා. අන්තිමේ දි කතිරෙත් ගහල මගේ විතරක් නෙවෙයි තව කීපදෙනෙක්ගේ කතිරෙත් උන් වෙනුවෙන් ගහල ‍උන්ව බලයට පත් කරන්න දර දිය ඇද්දා. මිනිහ දින්න. බලයට පත්වුනාට පස්සෙත් උගේ බැලමෙහෙවරකම් මුරකාරකම් හයිකාරකම් ඔය ඔක්කොටම මාත් සහභාගිවුනා.


අරක්කු බෝතලේට රුපියල් පනහට සීයට මම ඒ උන්දැට මගේ ආත්මය වික්කා. මම හිතුවෙ මට රස්සාවක් ලැබෙනවනම් ජිවත්වෙන්න ආදායමක් ලැබෙනව නම් කමක් නැහැ කියලයි.


දේශපාලකයෝ කොල්ලො කෙල්ලො දඩයම් කරන කොටවත් උන් කරන්නේ වැරැද්දක්ය කියල හිතන්න මට ශක්තියක්වත් ඕනෑකමක්වත් තිබ්බේ නැහැ. මට දැනටමත් ලැබෙන ලාභ ප්‍රයෝජනවලින් විතරක් නෙවෙයි ඉස්සරහට ලැබෙන්න යන ජොබ් එකෙනුත් මම අන්ධ වෙල හිටියෙ.


මම කරන්නේ වැරැද්දක්ය කියල හිතුන වාරත් තිබුන. ඒත් තව ගොඩක් අයත් ඒක කරනවය කියල මම හිත හදා ගත්ත. ස්ත්‍රී දූෂණ මිනීමැරුම් වංචා දූෂණ යන ඔය ඔක්කොටම ප්‍රසිද්ධවෙල හිටිය මගේ දේශපාලන හාම්පුතාට මිනිස්සු ගිහිල්ල පෝලිමේ චන්දෙ දුන්න. ඉතින් මං විතරක් ඌට විරුද්ධවෙල මක්කරන්න ද? ඒ වෙලාවලට එහෙම හිතල මම හිත හදා ගත්ත.


මට අන්තිමේ රස්සාවක් ලැබුන. ඒත් ඒක ලැබෙන කොට මට ගොඩක් දේ අහිමිවෙලයි තිබුනෙ. වෙන එකක් තියා මට හිතන්න ශක්තියක්වත් ඉතුරුවෙල තිබුනෙ නැහැ. අණ දෙනවනම් පිලිපදින්නත් නැත්නම් නිකම් ඉන්නත් මම පුරුදු වුනා. මගේ හිතේ වරින් වර මතුවන පිළිකුළ මම මැඩගත්තේ බීල. නැත්නම් ගෑණීයෙක් හොයා ගෙන ගිහිල්ල බලෙන් හරි සල්ලි වලට හරි මගේ ඇග නිවාගෙන.


ලංකාවෙ මිනිස්සු මේ තරම් බොන්නෙ උන්ගෙ ජීවිත ඇතුළෙන් මතුවන ජුගුප්සාව සමහන් කොරගන්නය කියල පන්සල්වල ඉන්න හාමුදුරුවොවත් පල්ලියෙ ස්වාමියොවත් දන්නෙ නැතුව ඇති. මත්පැන් ප්‍රචාරය තහනම් කරල බාර් වහල අපිව මේ උවදුරෙන් ගලවගන්න ඒ අය කල්පනා කරනවා ඇත්තෙ ඒ හින්දා වෙන්න පුලුවන්. ඒත්මං දන්නව මගේ තියෙන කාළකන්නි හිස් බාවය මං පුරවගන්නෙ බීලා කියල. බිව්වෙ නැති දාට හිතන්න වෙනව. එක භයානකයි හාමුදුරුවනේ. එතකොට අතීතයෙ බියකරු අවතාර පේන්න ගන්නවා. මට ඒවත් එක්ක හැප්පෙන්න ශක්තියක් නැහැ.


කියපු නිසා මං කොළා. අනිත් එවුනුත් කරපු නිසා මාත් කොළා. මං ඒ දවස්වල හිතහදාගත්තෙ එහෙමයි.


ඒත් නොබී ඉන්න කොට මගේම ආත්මය මට කරදර කරනව. ඇයි කියපු නිසා කොළේ උඹටයි කියල මොළයක් තිබුනෙ නැත් ද ඇයි අනුන් කරපු නිසා කොළේ. උඹ රූකඩයක් ද? ඔය වගේ දාහක් ඕන නැති ප්‍රශ්න ඔලුවට එනව. ඒවා මාව හෙම්බත් කොරෝනව. එතකොට මට සියදිවි නහගන්න හිතෙනව. ලංකාවෙ මිනිසුන් බොන එකෙන් විතරක් නෙවෙයි සිය දිවි නහ ගන්න එකෙනුත් ලෝක වාර්ථාව තියන්න ඇත්තෙ ඒ නිසා වෙන්නැති.


අනිත් එවුන් කරන හැම දෙයක්ම කරන මම ඇයි සියදිවිනහගැනීමට විතරක් පහුබාන්නේ. ඇත්තම කියන්න දෙවියනේ අද මගෙ ලග මැහි තෙල් කුප්පියක් ගන්න තරමටවත් පිච්චියක් නැහැ. මැරෙන්න වුනත් ඕනවට වඩා දගලන්න මං ලෑස්ති නැහැ. අමාරු දේ කරලා පුරුද්දක් මට ඇත්තෙත් නැහැ. මේවා අහන ඕන කෙනෙක් කියයි මට පිස්සුයි කියල. මෙහෙම ගියොත් වැඩියෙන්ම පිස්සන් ඉන්න රට හැටියටත් අපේ රට කිරුළු පළදින්න පුළුවන්. මිනීමරාගන්නා එකෙත් වීරත්වයක් තියෙනව. බොන එකත් සිංහ පදමට එන්න බොන්න පුලුවන් නිසා පුංචි වීරත්වයක් ආරූඩ කර ගන්න පුලුවන්. සියදිවිනසා ගැනීම, ඒකත් තරමක් වීරකමක් හැටියට අමාරුවෙන් තර්ක කරල පෙන්නල දෙන්න පුලුවන්. ඒත් පිස්සු වැටීම මොනම විදිහකටවත් වීර ජාතියකට ගැලපෙන්නෙ නැහැ. ඒ නිසාම අපේ මිනිස්සු බය වෙන්න පුලුවන්.


මං පුංචි කාලෙත් බයෙන් පීඩිතව සිටි ළමයෙක්. වැඩිහිටියෙක් හැටියට මං බොහෝ දෙනෙක්ව බයෙන් මුසපත් කරගෙන හිටපු මිනිහෙක්. ඉතින් බයවීම වගේම බය කිරීමත් මගේ ජීවිතයට එක වගේම හුරු යි.


දෙවියනේ මම ඔබතුමාව බියගන්වන්න හදනව නෙවෙයි. ඔබ ඇයි මේ සසල වෙලා. ඔබතුමා හොදටම වෙව්ලනව. ගලක් වගේ කිසිදෙයකට සංවේදී නොවූ ඔබ නිකම්ම මැටි පිළිමයකැයි මා සිතුවා. මගේ ජීවිතයට අධ්‍යත්මික පිටුවහලක් ඕන කරන වෙලාවෙ ඔබතුමා මග හැරිය. ඔබතුමා පිළිමයක් වගේ නිසොල්මනේ හිටිය. ඔබ මහා කම්මැලියෙක් ලෙසයි මා දුටුවේ.


පහුගිය දවස්වල අපි සෙල්ලමට වගේ විසිකළ බෝම්බයකින් පමණක් ඔබ සෙලවිය හැකිවනු ඇතැයි මා සිතුවා.


දැන් සසල වීම තේරුමක් නැහැ. සසල වන්නේ නැති කෙනෙකුට මගේ අදෝනාව කියන්නැයි මට ඕන කළේ. කරුණාකර අතීතයේ කළාක් මෙන් නිශ්ශබ්දව මා කියන්නක් අසන්න.


මට අඩන්න ඕනෑ…. ඒත් ඒක කරන්න හැටියක් නැහැ…දෙවියනේ හෙලන්න සුසුම් මට නැහැ…ඒ සියල්ල යුද්ධයෙන් තම දූ පුතුන් මියගිය අම්මලා විසින් රැගෙන ගොහින්…


මගේ කදුලු මට අහිමිව ගිහින්. යුද්දයෙන් මියගිය සෙබළුන්ගෙ අඹුදරුවන් ඒවා සොරාගෙන..


ඉතින් දෙයියනේ මම මොකද කරන්නෙ? මම හැමදාම මේ අසාධාරණ ප්‍රශ්නෙට උත්තර බලාපොරොත්තු වුනේ අනුන්ගෙන්. හිතන්න කම්මැලි අනෙක් හැම එකෙක්ම වගේ..


මං ළගට ආවේ ඇයි කියල ද ඔය අහන්න හදන්නෙ? ඔබතුමාට කරන්න පුලුවන් ඉටිගෙඩියක් නැති බව මං දන්නව. ඒත් මං වෙන කවුරුන් ලගට යන්නද දෙවියනේ!!!


ඒ අවසන් වදනත් සමගම මිනිසා දේව ප්‍රතිමාව ඉදිරියේ සිහිසුන්ව ඇද වැටුණි. මම තරමක් ලංවී අසරණයා කවුරුන්දැයි හදුනාගන්නට තැත් කළෙමි. දුටු දර්ශනයෙන් මම වික්ෂිප්ත වීමි. අන්දමන්ද වීමි. අසරණ වීමි. මට මා විශ්වාස නැත. සැක හැර දැන ගැනීමට මම වඩාත් නැඹුරුව බැලීමි. ඔබ විශ්වාස කරනු ඇත්දැයි මම නොදනිමි.


ඒ වැටී සිටියේ අපගේ ජාතියේ අධ්‍යාත්මයයි.

දෙවියන් කියන්නේ ඩබල් පගා ගන්නා පගා මරුවෙකි!

Beyond Frame


ඒ පිලත් මේ පිලත් මැතිවරණය දිනා දෙන්නැයි දෙවියන් යදිති. දෙවියෝ දෙපිළෙන්ම සප්පායම් වී ‍මැතිවරණය දා මැරයන්ට චන්දය දාගන්නට දී වෙන අතක් බලති. ඡන්දය දිනූ එකා හිතන්නේ දෙවියන් තමන් දෙස බැලු බව ය. අනෙකා හිත‍න්නේ තමන්ගෙන් වුනු අත්වැරැද්දකට දෙවියන් අහක බලන්නට ඇතැයි කියා ය.


ගැහැණු ළමයා තමන්ට ලබා දෙන ලෙස ඉල්ලා පෙම්වතාත් කැපුවත් ඕකාට නම් දෙන්නට එපා යැයි කියා ගැහැණු ළමයාගේ අම්මාත් තාත්තත් එකම දෙවාලයකට පූජා වට්ටි තබති. දෙකෙන්ම සප්පායම් වන දෙයියො උඹලා ඕන කුදයක් ගහ ගන්නැයි කියමින් අහක බලති. ළමයා කොල්ලත් සමග පැන ගිය කල දෙමාපියන් හිතන්නේ පූජාවට්ටිය තැබීමේදී තමන් බාල එකක් ගත් නිසා මදි පුංචි කමක් කළා යැයි සිතා දෙවියන් උරණ වෙන්නට ඇති බව ය. කොල්ලා හිතන්නේ දෙවියන් තමන් දෙස බැලූ බව ය.


මේ ළගදී හොරකම් කළ කණ්ඩායමක් හොරකමෙන් පසු කෙලින්ම ගොස් ඇත්තේ දෙවාලයකට ය. ඒ තමන් ආරක්ෂා කරන ලෙස ඉල්ලා සිටීමට ය. හොරකමට භාජනය වූ අයද ඒ දෙවාලයටම ගොස් හොරා අල්ලා‍දෙන ලෙස ඉල්ලා දෙවියන් යදින්නට ඇත. දෙපැත්තෙන්ම කෑ දෙවියෝ පොලීසියට වුවමනා නම් නීතිය ක්‍රියාත්මක කරපුවාවෙ නැත්නම් නිකම් හිටපුවාවේ යැයි සිතා නිදි වැදුනෝය. පොලීසිය මේ කණ්ඩායම පුදුමයකට වාගේ කොටුකර ගත්තේ ය. පූජාව තියද්දී කොහෝ හරි වැරදෙන්නට ඇතැයි හොරුන් ද දෙවියන්ගේ බැල්ම ලැබුනේ යයි හොරකමට භාජනය වූ ඇත්තෝ ද හිතන්නට ඇත්තාහ.


මෙච්චර පිරිහී ඇති අපේ රටේ පාගා මරුවෝවත් මෙසේ දෙවියන් මෙන් දෙපැත්තෙන්ම කන්නේ නැත. එහෙම කාලා ගුලිවෙලා නිදා ගන්නේ නැත. තමන්ගේ සේවා දායකයින් වෙනුවෙන් කිසියම් යුක්තියක් ඉටු කිරීමටවත් ඔවුහු කටයුතු කරති. ඒ අතින් ගත්තහම එක්තරා වගකීමක්වත් උන් විසින් දරනු ලබන්නේ ය.


ඒ අතින් බැලුවහම දෙවියන් පාගා කප්පිත්තෙකි. ඒ වගේ ම තමන්ගේ සේවා දායකයින්ටවත් වග නොකියන අලුගේත්තු අලසයෙකි. බොරු කාරයෙකි.


මෙහෙම අමනුස්සයෝත් ඉන්නවා නේ දැයි සිතමින් ඉන්නා විට දෙවියන් පහළ වුනේ මගේ ළගින්ම ය.


ඇයි ආ මෙහෙම අපහාස කොරන්නෙ? අපි මොන වැරැද්දක් කළාට ද? කණගාටු දායක මූණක් දාගෙන ටෙලි නාට්‍යයක ගෑණියක් මෙන් දෙවියෝ ලොකු සුසුමක් හෙළුහ. වේරම්භ වාතය හමනවා තබා ගහක කොළයක්වත් ඒ සුසුමට හෙලවුනේ නැත.


අනේ අනේ අහන හැටි අසරණ පාට් එකකුත් දාගෙන? මාත් අත අරින්නට සූදානම් නැත.


කිව්වට විශ්වාස කරයිද දන්නෙ නැහැ. මාත් ඉතින් කපු මහත්තයාගෙ හිරකාරයෙක්නෙ. ඒ කාලකන්නියා මට යන්න දෙන්නෙත් නෑ. කන්න දෙන්නෙත් නෑ. බොන්න දෙන්නෙත් නෑ.


එතකොට අර පූජාවට්ටි?


ආ ඒව ද? ඒව නම් මෝඩ සැදැහැවතුන්ට තව තුන් හතර පාරක් මිලට ගන්න කඩේටම යවනව. ඔච්චර ගොඩක් කන්න කපු මහත්තයටයි පවුලටැයි පුලුවනෑ.


එතකොට දෙයියො?


අපි ඉතින් බඩ ගින්නෙ හූල්ල හූල්ල ඉන්නව. ඇත්තටම කියනවනම් මේක මහ පුදුම නෝන්ඩියක්. දේවාලෙ කොත නැතිවුනහම කපුවා මටවත් කියන්නෙ නැතිව කෙලින්ම පොලීසියට යනවා.


තමුන්නාසෙට කිව්වට වැඩක් නෑ කියල මෙතැන්ට එන ඔක්කොටම වඩා උන්නැහෙ නොවැ දන්නෙ. ඒක වෙන්නැති.


ඊළග මොහොතේ දෙවියන් පේන්නට හිටියේ නැත. හදිසියේම චුත වෙලා ය.


අපේ රාමුවෙන් චුතවෙලා ගියාට දෙවියෝ අපේ රටේ මෝඩ මිනිසුන්ගේ ඔලුවලින් නම් චුත වෙන්නේ නැත. කපුවන්ට කප් රුක් පහළ කරමින් දෙවියන් චිරාත් කාලයක් දේවාල තුළත් ඔලුගෙඩි තුළත් වසනු ඇත්තේ ය.


අල්ලස් කොමිසම් දාලාවත් අල්ලන්නට බැරි මේ පගා ගැහිල්ල නවත්වන්නට පුලුවන් ජගතෙක් ඕනෑ කර තිබේ.